1.Apertura de portas
-A qué hora se abren as portas do festival?
O horario de apertura de portas será o seguinte:
- Venres, 1 de novembro as 19:30h.
- Sábado, 2 de novembro as 20:00h.
2.Taquilla
-A que hora abren a taquilla?
A taquilla terá o seguinte horario:
- Venres 1 de novembro: dende as 15:00 horas ata as 04:00 horas do sábado.
- Sábado 2 de novembro: dende as 18:00 horas ata as 04:00 horas do domingo.
-Podo pagar con tarxeta no festival? Hai caixeiros no festival?
Dispoñemos da posibilidade de pagar con tarxeta no festival, non hai caixeiros.
3.Pulseiras
-Teño que cambiar a miña entrada de papel por unha pulseira?
Si, para poder entrar ao recinto do festival terás que pasarte pola taquilla para que che cambien a túa entrada de papel por unha pulseira.
-Podo entrar e saír do recinto do festival?
Ao cambiar a túa entrada de papel pola túa pulseira poderás entrar e saír do recinto do tantas veces como queiras. Tanto ao entrar como ao sair do recinto lésevos a pulseira. IMPORTANTE: Se non vos leen a pulseira ao sair non podedes volver a entrar.
-Comprei a entrada por internet. Teño que levala impresa?
Aconsellamos traela impresa para maior rapidez pero non é necesario, tamén a podemos validar se nos ensinas o código QR desde o móbil.
-Podemos quitarnos a pulseira?
Non. Tal e como recollen as condicións xerais de uso, a pulseira é o único acceso válido para o recinto dos concertos e para a acampada. Esta pulseira é persoal e intransferible, non se poderán retirar pulseiras para outras persoas. A organización colocará a pulseira ao usuario final, que se fai responsable de validar que está correctamente pechada e de conservala en todo momento en perfecto estado. A perda, manipulación ou rotura desta pulseira será penalizada coa expulsión inmediata do recinto. En ningún caso se cambiará unha pulseira en mal estado por outra nin se reporá unha pulseira perdida.
4.Menores
-Poden entrar os menores de idade?
Estaremos encantados de recibir a calquera menor de idade que queira vir a gozar da música ao noso festival, pero para que poida entrar é necesario que veña acompañado dun adulto responsable (menores de 16 anos) e que cumpra os requisitos que enumeramos aquí(enlace a menores).
-Os menores de idade teñen que pagar entrada?
Só pagarán entrada os nados antes do 01/11/2007.
5.Acampada
-As zonas de acampada teñen límite de aforamento?
Si, as dúas zonas de acampada teñen un aforamento limitado que se irá completando por rigorosa orde de chegada.
-A que hora podo entrar á zona de acampada?
A zona de acampada estará aberta dende as 15:00 horas do venres 1 de novembro ata as 14:00 horas do domingo 3 de novembro.
-Podo entrar ás zonas de acampada coa miña entrada de papel?
Non, para poder entrar á zona de acampada deberás pasar previamente por taquilla para cambiar o teu abono de papel pola pulseira correspondente.
-Podo entrar ás zonas de acampada coa pulseira dun só día?
A zona de acampada 1 será exclusiva para a xente que teña a pulseira correspondente ao abono de dous días. A zona 2 poderá ser utilizada indistintamente por xente que teña a pulseira correspondente ao abono ou a de entrada de un só día.
-Pódese montar tendas na zona de acampada?
Soamente é posible acampar con tendas de campaña. Non se poderán montar toldos, lonas, carpas ou outros elementos que supoñan unha extensión horizontal ao espazo da tenda de campaña, dado que a acampada e interior e o espazo moi limitado.
-A zona de acampada ten duchas?
Si, os ocupantes da zona de acampada 1 disporán de duchas no IES Val do Asma e zona de acampada 2 disporán de duchas no IES Lama das Quendas.
-Pódese fumar nas zonas de acampada?
En cumprimento da normativa vixente e pola vosa propia seguridade non estará permitido fumar dentro dos pavillóns das zonas de acampada.
-Haberá vixilancia nas zonas de acampada?
Si, as zonas de acampada terán persoal do festival dende que se abran o venres ás 15:00 horas ata que se pechen o domingo ás 14:00 horas. Ademais a este persoal haberá que sumarlle un vixilante de seguridade nas horas de noite. De todos os xeitos recomendámosvos que non deixedes na tenda nada de valor porque a organización non se fará responsable de ningunha posible subtracción.
6.Parking
¿Onde podo aparcar o meu vehículo?
Nas inmediacións do recinto do festival existe un amplo aparcadoiro, especialmente ideal se ves ao festival en furgo. Nas zonas de acampada tamén e doado atopar onde estacionar preto.
E se veño en autocaravana, onde podo estacionala?
Situada no parque de Sangoñedo (zona do campo de futbol), a vila de Chantada conta con unha zona habilitada para o estacionamento de autocaravanas. A menos de 10 minutos camiñando, so tes que seguir o fermoso paseo fluvial do Rio Asma.
7.Bebida
-Podo entrar con bebida ao recinto do festival?
Cada persoa poderá acceder ao recinto de concertos con botellas de plástico brando con auga de ata 0,5 litros, sempre que esté precintada (desprecintará a botella o persoal da entrada). Non se permitirá o acceso ao recinto de bebidas que veñan en envases de cristal, metal, cerámica, louza, plástico duro ou calquera outro material que poida ser usado como obxecto contundente o cortante.
-Podo entrar con bebida nas zonas de acampada?
Si, estará permitido entrar con bebida ás zonas de acampada.
-Podo entrar con envases de cristal nas zonas de acampada?
Non, para evitar posibles lesións entre os asistentes, estará prohibido acceder con envases de cristal.
8.Comida
-Podo entrar con comida ao recinto do festival?
Cada persoa poderá acceder ao recinto de concertos con comida para consumo individual, envolta en tela, film, papel de aluminio ou similares. Non se permitirá o acceso ao recinto de comidas que veñan en envases distintos dos envoltorios indicados. Considérase que calquera envase pechado ou con tapa é susceptible de ser usado como obxecto contundente pola súa propia natureza ou pola combinación de contedor e contido.
Por motivos de seguridade alimentaria, as persoas que vaian a acceder con comida -sempre para consumo propio- adquirida ou elaborada fóra do recinto do festival, deberán presentar unha declaración responsable, debidamente firmada, na que exoneren á organización polos danos á saúde que poida provocar dita comida no festival. Non se permitirá a introdución no recinto do festival de ningún alimento que non veña acompañado desa declaración.
-Podo entrar con comida a zona de acampada?
Si, estará permitido o acceso con comida as zonas de acampada.
9.Tabaco
-Podo mercar tabaco no recinto do festival?
Non hai tabaco a venda no recinto do festival.
10.Animais
-Podo entrar con animais ao recinto do festival? E á acampada?
Non estará permitido o acceso con animais nin ao festival nin ás zonas de acampada salvo cans guía.