Bases I Feira de Artesanía

O Castañazo presenta a súa I Feira de Artesanía que se celebrará na Praza de España os días 2 e 3 de novembro coincidindo coa celebración do festival. 

Horario de apertura

Sábado, 2 de novembro de 11:00 a 19:00h 

Domingo, 3 de novembro de 11:00 a 14:00h

Montaxe 

Os postos de artesanía poderanse montar ata 1 hora antes da súa apertura. 

Deberán comezar a desmontarse tras o peche da feira o domingo, 3 de novembro, ás 14:00h quedando a praza libre ás 15:30h. 

A asociación non se responsabiliza da seguridade durante a realización da Feira, cadaquén deberá asegurar os seus obxectos de valor. 

A asociación proverá de punto de conexión eléctrica de ser preciso. 

Espazo

Contamos cun espazo limitado, polo que só poderemos contar cun número determinado de  postos que dependerá das súas medidas, recomendamos non superar os 4x3m. A asociación realizará a súa escolla atendendo aos criterios de preferencia.

Criterios preferentes de escolla

  1. Dispoñer de stand, carpa ou similar propios adecuado as posibles condicións meteorolóxicas adversas.
  2. Medidas stand.
  3. Artesáns locais ou comarcais.
  4. Orde de demanda.
  5. Encaixe ca temática e valores do festival.

Presentación da proposta

Tódalas persoas interesadas en participar poderán presentarse enviando a súa proposta a seguinte dirección de correo electrónico: feiraartesania@castanhazo.com . Nela deberán incluír:

  • A dispoñibilidade de stand, carpa ou similar propio adecuado as posibles condicións meteorolóxicas adversas e as súas medidas. 
  • Breve descrición do posto, as súas medidas e produtos a vender. 

Aquelas propostas que non faciliten esta información non poderán ser incluídas no proceso de selección. 

O prazo para enviar a proposta é ata o 22 de outubro.

Confirmarase mediante email os postos seleccionados.